Mëngjesin e sotëm, Big Brother ka dërguar një tjetër zarf të zi në shtëpinë më të famshme në Shqipëri. Produksioni bën me dije se si rrjedhojë e dhunës verbale të përsëritur, Ermiona Lekbello është skualifikuar përfundimisht nga gara.
Pasi u lexua vendimi, Ermiona u drejtua për nga dhoma e gjumit, aty ku bëri gati valixhet. Asnjë nga banorët nuk reagoi, ndërsa vetëm Luizi i shkoi nga pas duke i shprehur mirenjohjen qe e mbeshteti ne dite te veshtira.
Në momentin kur Ermiona ishte duke dalë nga shtëpia, të vetmit që u afruan për ta përcjellë ishin: Luiz Ejlli, Eva Alikaj, Krist Aliaj, Keisi Medini dhe Tan Brahimi. Banorët e tjerë, ishin jashtë në oborr, duke mos zgjedhur që ta takonin. Ermiona përqafoi dhe puthi Luizin, me të cilin ka pasur afrimitet më shumë në shtëpi, ndërsa si për çudi, Kiara as nuk tentoi ta takonte duke e “injortuar” plotësisht.
