Kryeministri Edi Rama u largua nga “vila 30” në ish-Bllok për të vijuar gjatë pasdite takimet me drejtuesit politikë të qarqeve.
Rama zhvilloi takime me Blendi Klosin drejtuesin politik të qarkut të Dibrës, Mirela Kumbaron drejtuesen politike të qarkut të Gjirokastrës, Ulsi Manja drejtues politik i qarkut të Lezhës, Emirjana Sako drejtuese politike e qarkut të Durrësit.
Më pas ka vazhduar me Benet Becin drejtuesin politik të qarkut të Shkodrës, Bledi Çuçin drejtuesin politik të qarkut të Vlorës dhe Niko Peleshin drejtuesin politik të qarkut të Korçës.
Ndërsa pasdite pritet që kryeministri të zhvillojë takime me Belinda Ballukun drejtuesen politike të qarkut të Fierit, Eduard Shalsin drejtuesi politik të qarkut të Kukësit, Ogerta Manastirliun dhe Elisa Spiropalin drejtueset e qarkut në Tiranë, Ervin Demo drejtuesin politik të qarkut të Beratit dhe me Arbjan Mazniku drejtuesin politik të qarkut të Elbasanit.
Ky proces po mbahet hermetik brenda mureve të kësaj vile duke ia shtuar edhe më shumë “ethet” deputetëve aktual në pritje të rikandidimit, e më së shumti atyre të cilët për herë të parë aspirojnë për një vend në listë.












