Ish-deputeti dhe një nga politikanët veteran të Partisë Demokratike, tashmë kritik i lidershipit të saj, Edmond Spaho ka reaguar për zgjedhjet e fundit në këtë parti dhe ka dalë me një “mesazh ngushëllues” për mikun e tij Luçiano Boçi, i cili humbi përballë Belind Këlliçit për postin e nënkryetarit dhe është shprehur se “votimi nuk ka qenë i pastër”.
“Kam qene nga te paret ne PD qe jam ngritur kunder Mulizmit jo si filozofi politike, se kjo me ben te qesh kur mendoj Mulin filozof partiak, por si sjellje arrogante, shperfillese ndaj kolegeve, arbitrare ne cdo vendim, nepotiste, pa moral politik, shkeljes me kembe te kolegeve, nepermjet pretendimit per te qene syri dhe veshi i Berishes”, shkruan Spaho.
Ish-deputeti tregon situatën organizative brenda Partisë Demokratike dhe thotë se aty bëhet gjithçka që vendos dhe kërkon Flamur Noka. Sipas tij, pak vite më parë kur e larguan nga PD, debati me Flamur Nokën ka shkuar gati në përplasje fizike.
“Per rreth dy vite, ne komunikimet direkte me te, kam kundershtuar sjelljen e tij prej harbuti, qe nuk pyeste per askend por vetem urdheronte se cfare duhej bere, kur merrte vendime duke mos informuar as drejtuesit e qarqeve pa le me ti konsultonte. Vetem filli na ndau nga perplasja fizike.
Per sjelljen e tij te papranueshme i kam shkruar Sali Berishes me dhjetra here. Me mbajti me gajret se gjerat do zgjidhen ne me te miren e mundeshme.
Problemet u zgjidhen duke me larguar mua nga politika, sipas perbetimit te Mulit ne kafet e Tiranes, megjithese kisha kontribute te pakten te barabarta me te gjithe te tjeret qe mbeshteten Rithemelimin dhe mbeten ne politike me garanci nga Berisha”, shkruan Edmond Spaho.
Ish-deputeti i thotë mikut të tij, profesorit Luçiano Boçi se largimi është një filozofi në Partinë Demokratike të drejtuar nga Sali Berisha dhe Flamur Noka, duke e paralajmëruar se “ia kanë futur me porosi” ndaj ai humbi në garën për t’u rikonfirmuar si nënkryetar.
“Votimi nuk eshte i paster thua. Nuk ka qene asnjehere qe nga Dhjetori i 2021. Si mund te jete i paster kur LDG dhe FRDP kontrollojne 60% te votave ne Keshillin Kombetar. E kupton Luciano, organizatat partnere percaktojne kush duhet ta drejtoje PD. Kjo procedure e turpshme filloi me Rithemelimin dhe “miqte” e tu ta kane futur sipas porosise qe ju eshte dhene. Me dhimbje vella me dhimbje siç thoshte Kadareja”, vijon ai.
