Kryeministri Edi Rama ka dhënë një tjetër lajm të mirë pasi Shqipëria dhe Bullgaria ka nënshkruar marrëveshjen për sigurimet shoqërore.
Kreu i qeverisë shprehet se ky hap është një tjetër sukses për njohjen e sigurimeve shoqërore për shqiptarët jashtë vendit.
“Nënshkruhet Marrëveshja për Sigurimet Shoqërore mes Shqipërisë dhe Bullgaris. Shqipëria shënon një tjetër sukses në njohjen e sigurimeve shoqërore për shtetasit shqiptarë jashtë vendit. Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve”, shkruan Rama.
