Jozefina Topalli, ka dënuar ngjarjen e djeshme ku Sali Berisha u godit me grusht në fytyrë nga nje 31 vjeçar në protestën e opozitës.
Topalli u shpreh se sulmi ishte një provokim i rëndë ndaj shoqërisë në përgjithësi, duke shtuar se vendi rrezikon të shkojë në luftë civile.
“Ndër ngjarjet më të paimagjinueshme që vjen pas disa zhvillimeve të viteve të fundit, të rritjes së arrogancës, të një shoqërie në vuajtje për shkak të pasigurisë. Unë nuk di një rast tjetër në botë që i ka ndodhur një kryetari të opozitës. I ndodh kryeministrit presidentit, por kryetarit të opozitës është dicka tjetër. Jemi në 2022 nuk jemi më në 92. Unë uroj që kështu nuk mund të ecim më. Uroj që të reflektojmë aq sa të kuptojmë që nëse vijohet kështu do të shkojmë drejt luftës civile, jemi shumë pak të shkojmë drejt asaj se pak po ikin jashtë vendit”, u shpreh Topalli.
