IKMT së bashku me forca të shumta policie kanë mbërritur herët në mëngjes në “Prestige Resort” në Golem.
Fadromat e IKMT dhe forca të xhenios së bashku me policinë kanë mësyrë në ambientet e ‘Pretige’ që herët në mëngjes, ndërsa e gjithë zona është rrethuar me një shirit të verdhë. Policia ka vendosur perimetrin e sigurisë dhe askush nuk lejohet të shkelë hyrjen drejt kësaj zone.
Pushuesit së bashku me punonjësin dhe stafin e këtij hoteli janë nxjerrë nga godina në pronësi të Irfan Hysenbelliut të cilit gjatë muajit shtator iu prishën pishinat pasi autoritetet pohuan se janë ndërtuar pa leje. Nuk dihet ende se çfarë veprimesh do të ndërmerren nga policia pasi fadromat apo forcat xhenio ndodhen në vendin e ngjarjes.
