Ish-deputeti Ervin Salianji duket se është kthyer në “armikun” numër një në Partinë Demokratike, pasi po sulmohet ashpër nga anëtarët e kësaj force politike, pasi ndërmori nismën për një “Foltore”.
Pasi u përplas me Flamur Nokën dhe Sali Berishën, të cilët hodhën akuza se bashkëpunon me qeverinë dhe me grupet kriminale, Salianji është sulmuar ashpër edhe nga ish-kandidatja për deputete e PD-së, Xhulia Xhekaj.
Në një video në Instagram, Xhekaj deklaron se ata që marrin pjesë në “foltoren” e tij janë minj, që se kuptojnë se po shkojnë në kurth.
Po ashtu ajo i “sugjeron” Salianjit që takimin e e radhës ta zhvillojë në burg, pasi sipas saj, ish-deputeti i ka aty mbështetësit e tij.
“E shikon këtë takimin në Elbasan, po ta dinte miu që djathi nuk është falas, nuk do të binte në çark. Edhe Ervini po ta dinte që votat e burgut nuk do t’ia mbushin dot sallën, se nuk do dalin dot ata, s’do e bënte këtë gabim. Ervin ke ngatërruar sallë, takimin duhet ta bëje në burg, aty i ke votat dhe aty i kë mbështetësit”, deklaron Xhulia Xhekaj.
