Kryeministri Edi Rama ka deklaruar se pothuajse i ka gati të gjithë emrat e kandidatëve socialistë të bashkive për zgjedhjet lokale të 14 majit.
“Report TV” ka siguruar emrin e kandidatit të Partisë Socialiste për bashkinë e Vlorës sa i takon garës elektorale të 14 majit. Ermal Dredha do të jetë kandidati i PS për Bashkinë e Vlorës, që me shumë gjasa do të zëvendësojë Dritan Lelin në garën e zgjedhjeve lokale.
Në Sarandë kandidati i Partisë Socialiste pritet të jetë Olti Çaçi. Kujtojmë që Dritan Leli dhe Edi Rama pati një “krisje”, pasi Leli nuk pranoi që të linte mandatin e kryebashkiakut për të garuar në zgjedhjet parlamentare të 25 prillit. Pikërisht nga ky moment filloi edhe “fushata” kundër tij.
