Komentatori i njohur, Dritan Shakohoxha foli me superlative për ekipin kombëtar, duke mos përjashtuar kualifikimin në fazën tjetër, edhe pse kjo tashmë mbetet një ëndërr.
Shakohoxha tha se ky është ekipi më i mirë që ka patur ndonjëherë Shqipëria, ndërsa shtoi se ka ardhur dita që të mërzitemi kur na mund kampionia në fuqi e Europës (Italia).
“Ndeshja me Kroacinë, ndeshje e madhe, shumë e bukur dhe spektakolare. Te goli i dytë, thashë “ka Zot”. Ajo që kemi thënë gjithmonë, që kjo skuadër, është e aftë dhe e zonja të lërë gjurmë. Jemi ende në lojë. Do të kemi ndeshjen me Spanjën dhe të shohim ç’do të ndodhë me Spanjën. Po të them një batutë, erdhi dita që ne të dy të mërzitemi dhe të gjejmë fajtor pse na mundi kampionia e Europës 2-1. Shqipëria nuk është skuadra më e mirë në botë, por është më e mira në botë për ne. Ata që gjejnë defektet e këtyre çunave që sakrifikojnë, këta në triubuna dhe në facebook që shajnë, bëjnë si Steve jonbs dhe Bill Gates… Nuk e imagjinon dot sa shqiptarë kanë ardhur këtu”, tha Shakohoxha.
