Çmimi i hidrokarbureve në Shqipërisë gjatë vitit 2026 ka qenë në luhatje, ndërsa raportohet se aktualisht nafta ka pësuar sërish një rritje të ndjeshme të kostos, pasi bëhet me dije se ditën e sotme ajo tregohet me 219 lekë për litër në shitjet me pakicë.
Nafta në tregun shqiptar ka pësuar një rritje prej 4 lekësh nga seç ishte para pak ditësh, kur ajo tregtohej me 215 lekë, duke bërë që sot ajo të shitet me 219 lekë për litër.
Ndonëse në lidhje me kostot e reja të çmimit të naftës të cilat kanë qenë në luhatje për shkak të luftës në Lindjen e Mesme, çmime që u kanë rënduar goxha xhepat qytetarëve, Konfindustria e Shqipërisë, më 3 gusht, kërkoi ndërhyrje të menjëhershme në tregtimin e hidrokarbureve.
Mirëpo edhe pse kanë kaluar më shumë se dy javë nga reagimi i Konfindustrisë e cila kërkoi ulje të çmimit të naftës me 15%, që përkthehet në 20 lekë për litër, si dhe rikthimin e Bordit të Transparencës, deri më tani nuk ka pasur asnjë lloj ndërhyrjeje për të marrë në dorë situatën e kostove të larta të hidrokarbureve. Madje dita-ditës qytetarët shqiptarë po përballen me çmime akoma më të larta se më parë të hidrokarbureve.
