Demokratët po mbahen me shpresë se me fitoren e Trumpit në SHBA do t’i hiqet “Non Grata” Sali Berishës.
Ish-ministri Genc Pollo në Dhjetor kishte paralajmëruar heqjen e Non Grates por tashmë jemi në fund të shkurtit dhe nuk ka asnjë sinjal nga administrata e Trumpit.
Pyetje: Ju thatë në dhjetor se Berishës mund t’i hiqej non grata. A ka sinjale konkrete se kjo mund të ndodhë?
“Në dhjetor ju citova personalitete afër ekipit Trump që më thanë në konferencë se rishikimi i “përcaktimeve mos-hyrje në SBBA” ishte shumë i mundshëm. Në shkurt përcaktimi anti Berisha për amerikanët duket se është rrëzuar moralisht e praktikisht. Pse e them këtë? Para 3 vjetësh në Tiranë Richard Grenell, i afërt me Trumpin ish president por asokohe qytetar privat amerikan tha se nuk kishte parë prova që justifikonin “përcaktimin” anti Berisha të Sekretarit të Shtetit Blinken sa ishte drejtor i agjencisë së zbulimit por edhe se evitoi takimin me Berishën në përputhje me rregullat shtetërore amerikane. Në shkurt 2025, Chris LaCivita, gjithashtu i afërt me Trumpin president dhe qytetar privat amerikan. Jo vetëm takoi Berishën, por firmosi kontratë me të dhe denoncoi “përcaktimin” e Blinkenit si veprim të turpshëm të segmenteve të kapura e të korruptuara në administratën Biden. Ju e shihni kontrastin në sjelljen e këtyre të dyve. Ndryshimin e bëri fitorja e Trumpit, që po sjell një erë lirie dhe drejtësie“, tha Pollo.
