Ish-kryeministri, Fatos Nano, prej ditësh është në gjendje të rëndë shëndetësore në një spital privat në Shqipëri.
Gjendja e tij duket se është përkeqësuar akoma edhe më shumë pasi mjekët kanë vendosur që ta heqin nga intubimi dhe ta furnizojnë me oksigjen përmes një tubi që lidhet direkt me trakenë, procedurë që njihet me emrin Trakeostomi.
Mjekët sipas ‘TV Klan’ kanë bërë një ndërhyrje kirurgjikale duke hapur rrugën e sipërme respiratore. Nëpërmjet këtij tubi të vendosur në qafë, lejohet kalimi i ajrit dhe oksigjenit drejt mushkërisë nëpërmjet aparatit respirator.
Kjo është një procedurë e nevojshme tek pacientët që kërkojnë ventilim të zgjatur artificial. Sipas mjekëve, ai është i vetëdijshëm, por nuk mundet të artikulojë.
