Këtë të mërkurë, Gjykata e Posaçme refuzoi kërkesën për masë më të butë sigurie ndaj Alma Kaçit.
40-vjeçarja kërkoi ndryshim mase nga “arrest shtëpie” në “detyrim paraqitjeje”, por kërkesa e saj u refuzua nga gjyqtjarja Flora Haradinaj.
Alma Kaçi për të disatën herë, i ka kërkuar Gjykatës ndryshimin e masës së sigurisë me disa pretendime. Fillimisht, sa i takon gjendjes shëndetësore të nënës së saj, e cila është e verbër dhe duhet të kujdeset për të. Mirëpo, të gjitha shkallët e kanë refuzuar kërkesën e saj.
Po kështu një tjetër argument është dhe kujdesi që ajo duhet të ketë për fëmijën e saj të mitur, ku është shprehur se fëmija duhet shoqëruar për në shkollë.
