Kryeministri Edi Rama ka shprehur shqetësimin se protestat e fundit kundër projektit turistik në Zvërnec mund të ndikojnë negativisht në sezonin turistik dhe në ekonominë lokale.
Rama tha se ka nisur të shohë shenjat e para shqetësuese në tregun turistik, duke përmendur raste të anulimeve të rezervimeve, veçanërisht në zonën e Sarandës.
Sipas Rames, krijimi i perceptimit se Shqipëria po përballet me tensione të mëdha sociale dhe kundërshtime masive ndaj investimeve mund të trembë turistët e huaj, të cilët planifikojnë pushimet e tyre muaj më parë.
“Turma normale kthehet në qindra mijëra njerëz që po vlojnë në Shqipëri do dëmtojë turizmin. Kanë filluar disa shenja të para shqetesuese te anulimeve te pronotimeve ne Sarandë, kane nisur shenjat negative. Para se kjo të kthehet në trend, duhet të kuptojmë se çdo anulim rezervimi prek drejtpërdrejt familjet, bizneset e vogla dhe të gjithë ata që jetojnë nga turizmi”, u shpreh Rama.
