Sinoptikania Lajda Porja foli për situatën meteorologjike në vend, ku tha se deri në datën 25 gusht parashikohet mot i mirë dhe temperatura kryesisht në larta.
Porja u shpreh se temperatura maksimale pritet të shkojë në 40 gradë në ndërsa pas datës 25 gusht, pritet një ulje e temperaturave deri në 32 gradë Celsius.
“Në bregdetet e Vlorës, Sarandës dhe Ksamilit nuk priten reshje, ndërkohë rrezikohen bregdetet e Velipojës dhe Durrësit. Deri në datën 25 gusht do të ketë mot të qëndrueshëm dhe temperatura të larta. Vendi ynë është i përfshirë nga një valë e nxehtë. Deri ditën e mërkurë dhe të enjten, do të jenë prezentë temperatura të lartë deri në 40 gradë. Temperaturat e larta priten të regjistrohen në Shkodër, ndërsa 32 gradë parashikohet të shënohet në Korçë. Më vonë do të ulen sërish temperaturat dhe do të ulen në 32 gradë”, u shpreh Porja.
