Policia e Kosovës referuar situatës së rrezikshme, për shkaqe sigurie ka mbyllur në mënyrë urgjente për qarkullim kufitar dy vendkalimet kufitare në veri (Pas Bërnjakut, është mbyllut edhe pika kufitare e Jarinjës).
Policia fton të gjithë qytetarët që të shfrytëzojnë pikat e tjera kufitare si dhe të shmangun daljet dhe lëvizjet e tyre në zonen e veriut per shkak të rrezikshmërisë së lartë nga prezenca e grupeve kriminale të cilët i shkaktuan vdekjen efektivit të policisë kosovare, Afrim Bunjaku.
Albin Kurti tha se janë të paktën 30 persona të armatosur rëndë dhe me përgatitje ushtarake që qëndrojnë në manastirin e Banjskës dhe po mbahen të rrethuar nga policia e Kosovës e cila ka nisur “hakmarrjen”. Burimet bëjnë me dije se janë gjendur pa jetë trupat e dy agresorëve që dyshohet se janë nga Serbia.
Kryeministri Edi Rama i bën thirrje Bashkimit Europian dhe SHBA që me forcën imponuese të ulë në një tryezë dialogu Kosovën dhe Serbinë. Rama thotë se kriminelet e këtij sulmi duhet të dalin para drejtësisë.
