Këshilli i Ministrave të Bashkimit Evropian ka miratuar këtë të enjte në unanimitet, liberalizimin e vizave për Kosovën. Rregullat e reja do t’i lejojnë qytetarët të Kosovës të udhëtojnë në BE pa vizë për një periudhë qëndrimi prej 90 ditësh në çdo periudhë 180 ditore.
Menjëherë pas kësaj ka reaguar edhe kryeministri Edi Rama i cili nuk i ndal kritikat ndaj bashkimit Europian për të cilën thotë se ka bërë hap të vonuar.
“Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës! Urime jo vetëm Kosovës, po edhe Bashkimit Europian” shkruan Rama.
