Kreshnik Spahiu ka zbuluar “recetën”, pra dy mënyrat sipas tij që mund të sjellin rrëzimin imagjinar të qeverisë së Edi Ramës.
Spahiu nënvizoi se mazhoranca rrëzohet vetëm nëse lind një opozitë e re ose nëse ka çarje brenda Partisë Socialiste.
“Edi Rama do të rrezikojë pushtetin kur të lindë një opozitë e re. Në momentin kur një lëvizje del kundër establishmentit të vjetër, ajo është e vdekur dhe jo vetëm në Shqipëri. Mundësia e dytë e rënies së Edi Ramës është çarja e brendshme e PS-së. Për sa i përket roli opozitar unë mendoj se prej disa vitesh kauzat popullore janë jetim, që do të thotë nuk kanë dot më avokatë politik që t’i përfaqësojnë. Që nga 14 maji ne nuk kemi parë asnjë protestë. Kjo për disa arsye. E para kauzat janë sfumuar janë konsumuar. Nuk kanë më mbështetës dhe kanë humbur bastionet e tyre” tha Spahiu.
