Sheshi “Skëndërbej” është shndërruar në një “Fan Zone” ku tifozët Shqiptare do te shikojne ne nje atmosfere elektrizuese te gjitha ndeshjet e Kampionatit Europian.
Për shkak të ketij aktiviteti sportiv të organizuar nga bashkia e Tiranës, Komuniteti Mysliman njofton besimtarët për ndryshimin e vendit ku do të falet Kurban Bajrami.
“Komuniteti Mysliman i Shqipërisë, njofton të gjithë besimtarët se Kurban Bajrami do të falet ditën e diel, më datë 16.06.2024, në orën 06:00, në Bulevardin “Dëshmorët e Kombit”, Tiranë. Gjithashtu, ju bëjmë me dije se pritjet tradicionale do të organizohen në selinë e KMSH-së nga ora 09:00 deri në orën 12:00. Komuniteti Mysliman i Shqipërisë, ju uron të gjithë shqiptarëve, Gëzuar Kurban Bajramin!”, njofton Komuniteti Mysliman.
