Shkrimtari shqiptar Ismail Kadare ka reaguar për marrëveshjen Rama-Meloni për refugjatët.
Duke folur për median italiane “La Stampa”, Kadare ka shprehur mbështetje për marrëveshjen e refugjatëve ku thekson se Shqipëria dhe Italia janë dy vende mike dhe duhet ta ndihmojnë njëra-tjetrën.
“Nuk e kuptoj, ku qëndron problemi me këtë marrëveshje? Për sa kohë Shqipëria dhe Italia janë dy vende më të bashkuara se kurrë. Nuk më interesojnë gjërat e vogla, çfarë ndodh mes qeverive, protestat apo pushteti. Siç thashë, Shqipëria dhe Italia janë tashmë të bashkuar, janë 500 mijë shqiptarë që jetojnë dhe punojnë në Itali, shumë italianë janë shpërngulur në Shqipëri, ka martesa të përziera, kompani të mëdha janë krijuar këtu, fëmijët tanë kanë baballarë italianë. Ku qëndron problemi? Një marrëveshje? Evropa është një lagje e bukur dhe të gjithë duan të vijnë këtu, kjo është normale. Nuk e kuptoj askënd që nuk është dakord”, ka thënë Kadare.
