Jozefina Topalli thotë se nuk ka njeri tjetër brenda PD-së që mund ta zëvendësojë Sali Berishën.
“Që kur ka dalë, Sali Berisha ka sjellë një frymë tjetër brenda strukturave dhe jashtë tyre. Në vitin 2017, ai që ishte në krye të PD, zhduku klasën politike dhe mori një grup njerëzish që ishin mirë me kryetarin. Tani ky kapitull është mbyllur dhe është një realitet tjetër. Deri tani, nuk ka njeri në PD që ta zëvendësojë Berishën. Partia Demokratike e ka kryetarin e saj, për të ardhmen do të kemi kohë të flasim”, tha Topalli.
Ndërkohë realiteti është krejt i kundërt pasi Berisha ka pas vetes vetëm një “grusht” militantësh, kurse Edi Rama dhe Partia Socialiste sipas të gjitha sondazheve po shkon drejt fitores së mandatit të katërt qeverisës.
