Kryeministri Edi Rama ka deklaruar se është krenar për Shqipërinë që i duhet t’i ofrojë ndihmë Italisë, referuar çështjes së emigrantëve.
Gjithashtu Rama ka falenderuar Melonin për vullnetin e mirë që ka treguar në të gjithë rrugëtimin e Shqipërisë në BE. Sakaq, Rama ka theksuar se Italia është “avokati ynë” më i rëndësishëm në rrugën drejt Bashkimit Europian.
“Jam krenar për Shqipërinë që i duhet t’i shërbej Italisë. Nëse ne kemi mundësinë për të qenë të dobishëm, një herë, dy, tre, ta shfrytëzojmë këtë mundësi për ta ndihmuar. Nëse do të jetë një gabim, të jetë një gabim i bërë me zemër. Dua të falenderoj Melonin për të gjthë afeksionin dhe vullnetin e mirë që ka treguar për të gjithë rrugëtimin e Shqipërisë në BE. Italia është avokatja e Shqipërisë në Bashkimin Europian. Me të gjithë kemi pasur një marrëdhënie vëllazërie dhe të gjithë kanë bërë më të mirën”, tha Rama.












