Drejtori i Policisë së Shtetit, Muhamet Rrumbullaku ka firmosur pezullimin nga detyra të 3 efektivë të komisariatit nr.1 në kryeqytet në lidhje me ngjarjen e rëndë, ku edukatorja në kopshtin privat në zonën e Ali Demit, kishte dhunuar një vogelushe 3-vjeçare duke i thyer këmbët.
Tre efektivët e pezulluar nga detyra janë:
1-Komisar R. D., me detyrë zv/shef i Komisariatit të Policisë Nr. 1, Tiranë;
2-Nënkomisar Y. Ç., me detyrë shef i Seksionit për Hetimin e Krimeve, në Komisariatin e Policisë Nr.1;
3-Nënkomisar E. B., me detyrë specialist në Seksionin për Hetimin e Krimeve, në Komisariatin e Policisë Nr.1.
Bëhet me dije se ndaj tyre ka filluar hetimi disiplinor për shkelje të rëndë disiplinore, parashikuar nga neni 209 i Rregullores së Policisë së Shtetit “Shkelja e rëndë e atributeve/kompetencave të Policisë”.
Gjithashtu, raportoht se ka nisur procedimi në gjendje të lirë, pas konsultimit me prokurorin, për edukatoren si e dyshuar për kryerjen e veprës penale “Keqtrajtimi i të miturve”.
