Kryeministri Edi Rama tha se integrimi i Shqipërisë në BE do të jetë një nga objektivat e realizueshme të PS-së gjatë mandatit të katërt.
Edi Rama u “betua” se nuk do të largohet nga pushteti deri sa t’i dhurojë shqiptarëve pasaportën e Bashkimit Europian.
“Sa herë bufi i kënetës dhe këneta kanë marrë diçka kanë lënë prapa gropa, plagë e zhgënjim, qoftë në pushtetin qëndror dhe qoftë atë vendor. Sa herë që PS ka marrë diçka në dorë, e ka lënë më mirë seç ka qenë. Ndërkohë këtë herë nuk kemi ndërmend për ta lënë, se do të vazhdojmë e unë personalisht do të vazhdoj deri kur të jap dhe pasaportën e BE-së. E atëherë më pas me pasaportën europiane do më kujtosh. Nuk do jemi në komunikim bashkë por do më kujtosh”, tha Rama.
