Kryeministri Edi Rama ka reaguar menjëherë pas ndarjes nga jeta të politikanit të njohur shqiptar, Servet Pëllumbi i njohur ndryshe si profesori i socialistëve.
Në postimin e ndarë në faqen e tij zyrtare, Edi Rama publikoi një foto të politikanit, krah së cilës shtoi: “Lamtumirë profesor i dashur 💔”.
Kryeministri Rama me një plagë të hapur nga largimi i Servet Pëllumbit, reagoi zemërthyer për ikjen e tij duke postuar foto nga arkivat e periudhës së tranzicionit, ku politikani shfaqet në protestën e njohur të Partisë Socialiste që ai themeloi, në referendumin e vitit 1996.
Lajmi për ndarjen e tij nga jeta ka shkaktuar reagime të shumta në opinionin publik dhe në radhët e politikës shqiptare, ku Pëllumbi la një gjurmë të veçantë me kontributin e tij ndër vite.
I njohur ndryshe si “profesori i socialistëve”, Servet Pëllumbi mbylli sytë përgjithmonë ditën e sotme duke lënë pas një plagë të madhe për familjarët dhe të gjithë shoqërinë shqiptare për të cilën dha një kontribut të veçantë.
Ish-kryetar i Kuvendit të Shqipërisë, ai do të mbahet mend si një nga figurat kyçe që ka luajtur rol të rëndësishëm në zhvillimet politike të vendit që nga fillimet e tranzicionit demokratik.
