Ish-drejtori i Policisë së Shtetit, Ardi Veliu është caktuar të menaxhojë Prodhimin dhe Tregtinë Shtetërore të Armëve.
Kompania që do të merret me prodhimin e armëve është regjistruar në shtet. Mësohet se kompanisë i është vendosur emri “KAYO” dhe aksionet e saj zotërohen 100% nga Ministria e Mbrojtjes. Kapitali fillestar i ‘KAYO’ i regjistruar është 150 mln lekë, ndërsa në krye të kësaj kompanie është vendosur Ardi Veliu.
Më herët ministri Vengu kishte lajmëruar rikthimin e aktivitetit të prodhimit të armëve në 3 uzinat e hershme të Gramshit, Mjekësit dhe Poliçanit.
Ardi Veliu ka qenë në krye të policisë së shtetit, Agjencisë së Mbikëqyrjes Policore dhe zv/ministër i Infrastrukturës dhe Energjisë. Tani merr në dorë prodhimin e armëve.
