Ministri për Europën dhe Punët e Jashtme, Igli Hasani shprehet thellësisht i tronditur lidhur me ngjarjen e rëndë në Magdeburg të Gjermanisë.
Ministria e Jashtme bën të ditur se deri më tani nuk ka shtetas shqiptarë të lënduar. Ngjarja e rëndë ka ndodhur në një treg Krishtlindjesh në qytetin e Gjermanisë, Magdeburg ku një makinë ka marrë para një turmë njerëzish duke lënë disa të vdekur dhe dhjetra të plagosur.
“Thellësisht të tronditur nga lajmi për sulmin mizor në Magdeburg, i cili ka lënë dhjetëra familje të shkatërruara gjatë një periudhe që duhej të ishte e gëzueshme. Zemrat tona janë pranë viktimave, familjeve të tyre dhe popullit gjerman gjatë kësaj kohe të vështirë”, shkruan ministri Hasani.
