Anila Aliaj, demokratja e cila u përjashtua nga Partia Demokratike pas një sherri me Flamur Nokën, ka deklaruar se ka 12 vite që kontribon në PD.
Gjatë një interviste televizive, Aliaj tha se faji për përjashtimin e saj nga PD është i Flamur Nokës dhe Albana Vokshit.
Sipas saj, Noka dhe Vokshi duhet të japin dorëheqjen pasi e kërkojnë njëeëzit në masë. Po ashtu, ajo tha se pret që Noka t’i kërkojë falje.
“Unë vij nga familje e persekutuar. Edhe ne ditë më të vështira unë nuk ndryshojë. Unë do kisha komunikuar me Berishën po të isha fajtore. Nëse vendos kryesia të më përjashtojë unë prap aty do jem. Kam 12 vite që kontribuojë në PD. Unë afër PD kam qenë në ditët e tyre më të vështira. Për ca të më mundojnë do ia them sy për sy. Unë pasi kam fol kam dalë, por edhe në atë moment që dol ky tha lëre të iki. Nuk e prisja reagimin e Nokës. Faj është edhe i Nokës edhe i Albanës. Faj është 50 me 50. Duhet dorëheqja e Nokës dhe Vokshit, e kërkojnë njerëzit në masë, duket nga reagimet dhe mesazhet e shumta. Ai duhet të dorëheqjet para se të më kërkojë mua falje”, u shpreh Aliaj.
