Kombëtarja Shqiptare ka marrë një “goditje” të rëndë në prag të ndeshjes së fundit në “Grupin e Ferrit”.
Pas hetimit, UEFA ka dënuar Mirlind Dakun me dy ndeshje pezullim pas fyerjeve që ai bëri me megafon ndaj maqedonasve.
Në këtë mënyrë sulmuesi i Kombëtares, Mirlind Daku do të humbasë ndeshjen me Spanjën, e cila do të luhet nesër në Dyseldorf në ora 21:00.
Sulmuesi shqiptat mori megafonin e Tifozave Kuq e Zi pas mbarimit të lojës me Kroacinë, duke bërë kore raciste kundër maqedonasve. Sjellja e Mirlind Dakut nuk ishte aspak profesionale dhe është kritikuar shumë pasi tashmë trajneri Sylvinho ka një zgjedhje më pak në duelin delikat ndaj Spanjës.
