Është liruar nga detyra e prefektit të Qarkut të Kukësit, Albert Halialj, pasi do të kandidojë për kreun e Bashkisë së Kukësit nën siglën e Partisë Sociliste në zgjedhjet e parakohshme lokale të 24 shtatorit.
Vendimi është marrë në mbledhjen e sotme të Këshillit të Ministrave, teksa në vend të Halilajt, prefekt i Qarkut të Kukësit është emëruar Granit Gjana. Ky i fundit mbante postin e nënkryetarit të Bashkisë së Kukësit.
Albert Halilaj ka qëndruar shumë pak në në detyrën e prefektit, pasi është emëruar më 19 korrik nga qeveria Rama, siç duket me qëllim që më pas ta kandidojë për kryebashkiak.
Qyteterët e Kukësit më 24 shtator do t’i drejtohen kutive të votimit për të zgjedhur kryebashkiakun e ri. Dy kandidatët në garë janë Albert Halilaj i PS-së dhe Emri Vata i koalicionit “Bashkë Fitojmë” (Meta-Berisha).
