Gjykata e Apelit më në fund ka marrë vendimin zyrtar për “vulën” e Partisë Demokratike dhe ka rrëzuar Rithemelimin e Sali Berishës.
Apeli ka vendosur të pranojë kërkesën e grupit të Enkelejd Alibeajt, për ta rikthyer çështjen në Gjykatën e Shkallës së Parë. Çështja tashmë do të gjykohet nga një trupë tjetër gjykuese, ndërsa për momentin, zyrtarisht njihet PD e Alibeajt dhe grupi i Sali Berishës nuk mund të hyjë me logon e PD-së në zgjedhjet e 14 majit.
“Sot Gjykata e Apelit vendosi rikthimin e çështjes në Gjykatën e Shkallës së Parë me një tjetër trupë gjykuese, çka ishte edhe një prej kërkesave tona. Ky ishte vendimi që u mor sot. PD vijon të drejtohet nga organet legjitime të saj, ditën e nesërme do të regjistrohemi në KQZ”, tha avokati Indrit Sefa, përfaqësues i “grupit Alibeaj”.
