Nga qershori i vitit të ardhshëm, e gjithë rruga nga Orikumi në Palasë mund të përshkohet në vetëm 20 minuta. Në tunelin e Llogarasë kanë mbetur vetëm 30 për qind e punimeve për t’u përfunduar krejtësisht. Ai është hapur nga të dy kahët, por po punohet vetëm për betonizimin.
“Duke parë ciklin e punimeve dhe mënyrën sesi po operohet themi që brenda sezonit turistik, me kontratë tuneli e ka në shtator të vitit 2024 për të përfunduar dhe ne do ta hapim në Qershor-Korrik të vitit 2024”, tha drejtori i Autoritetit Rrugor Shqiptar, Evis Berberi.
Kryeministri ka bërë realitet ëndrrën 30-vjeçare duke realizuar rrugën e re që lidh Vlorën me bregdenin e Jonit duke dalë direkt në Palasë.
