Sonte në mbrëmje Shqipëria luan një “finale” të vërtetë ndaj Spanjës, dueli i fundit për fazën e grupeve në “Euro2024”.
Spanja në këtë ndeshje pritet të kryejë një rotacion duke qenë se e ka siguruar kualifikimin dhe vendin e parë në Grupin B, por nuk përjashtohet që disa prej titullarëve të jenë në fushë e disa të tjerë të futen si zëvendësues.
Sipas prestigjiozes gjermane “Bild”, ylli spanjoll Lamine Yemal nuk mund të aktivizohet sonte ndaj Shqipërisë, në të kundërt Federata Spanjolle rrezikon të gjobitet, kjo për shkak të ligjit për të miturit në gjermani, të cilët nuk mund të punojnë pas orës 23:00.
Edhe pse ndeshja përfundon në 23:00, për 16-vjeçarin përfshihen edhe aktivitet pas ndeshjes, sic janë prononcimet për mediat, apo çështje të tjera. Në rast se shkelet ky “ligj gjerman”, atëherë parashikohet një gjobë me vlerë 30 mijë Euro.
