Një ngjarje e rëndë është regjistruar në një shkollë në Dimal, atje ku një mësuese pësoi infarkt në zemër gjatë orës së mësimit.
Etleva Gjoni, mësuese e anglishtes në shkollën “Sali Gjuka”, u dërgua në Tiranë për një trajtim më të specializuar, por pa mundur të mbijetojë.
Etleva ishte nënë e tre fëmijëve të mitur. Stafi i shkollës dhe drejtoria arsimore e qytetit kanë ndarë dedikimet e tyre prekëse.
“E vështirë për ta besuar dhe e dhimbshme për ta pranuar se kolegia dhe mësuesja jonë e dashur Etleva Gjoni nuk do të jetë më midis nesh. Jeta jote njerëzore edhe pse e shkurtër ka siguruar mbijetesën e personit tënd. Të qoftë dheu i lehtë! U prehsh në paqe!”, shkruan stafi i shkollës.
