Gjykata e Posaçme ka pranuar kërkesën e Fatmir Mediut, për gjykim të zakonshëm dhe jo gjykim të shkurtuar për tragjedinë e Gërdecit.
Në seancën e sotme, ish-ministri Mediu gjithashtu kërkoi që të thirren edhe 90 dëshmitarë dhe parashikohet që ky proces me gjykim të zakonshëm pritet të marrë një kohë të gjatë.
Avokatët kanë bërë me dije se në gjykimin e zakonshëm do të kërkojnë ekspertizë të re për shkaqet e shpërthimit, ndërsa do të pyesin dhe dëshmitarë që nuk janë pyetur më herët, e po ashtu personat ndaj të cilëve ka përfunduar hetimi.
Mes personave që ai kërkoi të merren në pyetje janë zyrtarë të lartë të mbrojtjes së DASH dhe qeverive, gjeneralë të NATO dhe ish-ministrat e Mbrojtjes së qeverisë shqiptare.
