Gjykata e Fierit ka liruar me kusht ish-kryebashkiakun e Himarës, Fredi Belerin.
Lajmi u konfirmua edhe nga avokati i Belerit, i cili pas seancës u shpreh: “Gjykata pranoi kërkesën tonë, urdhëroi lirimin para kohe. I kishin mbetur 6 javë për të bërë. Respekte për gjykatën. U tregua e pavarur. I kishin mbetur edhe dy muaj”.
Fredi Beleri ndodhej në qeli që prej 12 majt të vitit 2023, pasi u shpall fajtor për “korrupsion” në zgjedhje.
Ndryshe nga herët e tjera, në seancën e sotme kishte prani të madhe të mediave greke. Belerit i kishin mbetur edhe 6 javë pa përfunduar dënimin.
