Fatos Lubonja komentoi protestën e 8 Shkurtit të thirrur nga Sali Berisha për të cilin nuk kurseu kritikat.
Lubonja ia uron me gjithë zemër fitoren Berishës, por mesa duket edhe ai e ka kuptuar që opozita e ka të pamundur për të fituar në zgjedhje përballë Ramës.
“Protesta të vërteta janë ato në Serbi. Opozita është në kontradiktë, se kërkonte qeveri teknike se thoshte “nuk bëhet zgjedhje me Ramën” e tani hyn në zgjedhje dhe thotë “do fitojmë”. Qeverinë teknike e lanë, në zgjedhje u futën. PD nuk po iu thotë të vërtetën shqiptarëve. Fuqi nuk kanë. Unë ua uroj me gjithë shpirt fitoren, por duket sikur tallen me njerëzit. Në protestë do dalin militantët. Kanë bërë premtime që janë të ekzagjeruara. Nuk ke pse iu premton njerëzve rroga dyfish. Populli e di situatën, thonë rrimë me Ramën e mbajmë, se na mban me pastrimin e parave, kurse PD mban entuziazmin e militantëve” tha Lubonja. / Rilindje.info /
