Luiz Ejlli është banori i parë që vendosi që theu rregullin gjatë “lojës me litar” dhe në këtë mënyrë ai e pëson nga Big Brother duke kaluar automatikisht në nominim.
Duke qenë se i pari që heq litarin i jep avantazh grupit tjetër, këngëtari pa hezitim vendosi që të rrezikonte, duke u liruar nga litari. Edhe pse nuk e di se kujt i shkon ky avantazh, Luizi u shpreh se ja vlen që të rrezikojë dhe menjëherë e hoqi litarin, duke kaluar në nominim.
Ndërkohë kujtojmë se banorët do të qëndrojnë 24 orë lidhur me njëri tjetrin, duke mos e shkëputur për asnjë moment litarin. Grupi që do të shpallet fitues, do të ketë imunitet në lojë. Gjithashtu Vëllai i Madh u ka komunikuar banorëve se nëse dikush tjetër prej tyre heq litarin qëllimisht, jo vetëm që do të skualifikohet nga loja, por do kalojë në nominim njësoj sic ndodhi me Luizin.