Kryeministri Edi Rama tha sot në Asamble se Partia Demokratike është në ditën e saj më të keqe.
Ai vuri edhe një bast kur u shpreh se PD në zgjedhjet e vitit 2025 nuk do të marrë më shumë mandate sesa mori në 1997-ën.
“Disa thonë se vendi është sot më keq se ishte para disa vitesh, por ka vetëm një gjë që është më keq sot, se para 11 vitesh ajo është PD e Shqipërisë. Unë nuk shoh filxhan, por ne dimë që të lexojmë mendjen e popullit jo vetëm se kemi patronazhistët, por sepse kemi tani një strukturë shkencore të kolauduar që bënë anketimet e përmuajshme të opinioneve të njerëzve. Në zgjedhjet e ardhme, PD zor se do të marr më shumë mandate se në 1997”, tha Rama.
