Sot do të mbahet mbledhja e përbashkët mes qeverisë shqiptare dhe asaj të Malit të Zi, ku do të nënshkruhen 9 marrëveshje mes dy vendeve në fusha të caktuara.
Ceremonia pritëse e dy delegacioneve u zhvillua rreth orës 10:45 minuta, me ekzekutimin e himneve përkatëse. Ndërsa më pas dy kryeministrat u njohën me delegacionet qeveritare që do të marrin pjesë në mbledhjen e përbashkët. Në orën 13:00 do të bëhet nënshkrimi i Deklaratës së Përbashkët dhe Marrëveshjes Bilaterale për ndërtimin e urës në lumin Buna. Në mbledhjen e qeverive do të nënshkruhet edhe marrëveshja që do t’i hapë rrugë ndërtimit të pikës së re kufitare mes Shqipërisë dhe Malit të Zi.
Konkretisht, pritet të nënshkruhen 9 marrëveshje dhe memorandume në fushat e energjisë, peshkimit, mbrojtjes së bimëve, mbrojtjes sociale, sportit, kulturës dhe medias, mbrojtjes, shëndetësisë, si dhe Marrëveshja për hapjen e kufirit të përbashkët në kalimin Shën Nikollë-Pulaj në territorin e Shqipërisë.
