Deputeti i Partisë Demokratike, Saimir Korreshi kishte një “dhuratë” për ministren virtuale “Diellën”.
Në hyrje të Kuvendit, deputeti demokrat hap kutinë e paketuar si dhuratë dhe më pas shfaq një kastravec, si dhuratë për ministren e prezantuar nga Edi Rama.
Korreshi tha shkurtimisht se kryeministri Edi Rama i ka “futur” shqiptarëve.
“Kam një dhuratë speciale për “Diellën”. Është burri i Diellës, bashkëshorti i Diellës. Do ti kërkojmë dorën kryeministrit Edi Rama për t’ia dhënë. Këtë (kastravecin) ia ka dhënë Edi Rama shqiptarëve gjatë 12 viteve qeverisje. Faleminderit të gjithëve për vëmendjen”, tha shkurtimisht Korreshi.
Sa i përket dhuratës, që e konsideroi si “pajë” për ministren robot, Korreshi u shpreh se: “është specifike për ‘Diellën’, bllok baterie kur ti ikin dritat, ta ketë, mos te vijë vërdallë rrotullamja”.
