Kryeministri i vendit, Edi Rama ka bërë të ditur përmes një postimi në Facebook se nënstacioni i ri elektrik në Fier është gati për të hyrë në funksion.
Investimi është realizuar me parametra modernë dhe synon të përmirësojë ndjeshëm cilësinë e furnizimit me energji elektrike në zonë. Ky projekt pritet gjithashtu të rrisë sigurinë e rrjetit dhe stabilitetin e sistemit energjetik lokal.
“Gati nënstacioni i ri elektrik në Fier. Një investim me parametra modernë, i cili do të përmirësojë cilësinë e furnizimit me energji elektrike për të gjithë zonën, duke rritur edhe sigurinë e rrjetit“, shkruan Rama.
