Duke nisur nga e hëna (3 korrik 2023) nuk do të ketë më sportele për shërbimet në Kadastër duke shmangur korrupsionin e tmerrshëm pasi qyetarët do ta përfitojnë online.
Janë 71 shërbime të Kadastrës që do të merren online, pa pagesë. Lajmi fantastik u konfirmua nga kryeministri Edi Rama i cili ka bërë me dije se nga Kadastra do të vetë-largohen punonjësit e korruptuar kurse qytetarët do të jenë të barabartë e të marrin shërbimet që i nevojiten pa burrokraci dhe pa korrupsion.
“Të hënën në datën 3 korrik Kadastra nuk është e aksesueshme për asnjë. Askush brenda në Kadastër nuk do të mundet dot tju përgjigjet. Asnjë nga kushërinjtë apo miqtë e miqve nuk do ju përgjigjen. Nga e hëna 3 korrik Kadastra është makineri dixhitale. Askush nuk do të gjejë dot si trajtohet prona veç makinerisë së Kadastrës. Qytetarët të mos shkojnë më në Kadastër se nuk i pret askush. Çdo veprim do të bëhet online përmes e-albania” tha Rama.
