Kryeministri Edi Rama nuk ndalet dhe mëngjesin e sotëm e ka nisur me lajmin e bukur për çekun e bebeve.
Rama me anë të një postimi në rrjetet sociale shkruan se bonusi i bebes u ka shkuar në dorë prindërve të më shumë se 36 mijë të porsalindurve vetëm këtë vit.
“MIRËMËNGJES 😊 dhe me lajmin e mirë se bonusi i bebes (40,000 lekë për fëmijën e parë; 80,000 lekë për 👼🏻👼🏻dhe 120,000 lekë për 👼🏻👼🏻👼🏻) u ka shkuar prindërve të më shumë se 36 mijë të porsalindurve këtë vit, ju uroj një javë të mbarë” shkruan Rama. Bonusi i bebes është një politikë e re sociale që po zbatohet nga qeveria shqiptare prej 1 janarit 2019 dhe mbështet familjet e reja. Bonusi përfitohet për të gjithë fëmijët e regjistruar në Shqipëri, pa dallim nëse kanë lindur këtu apo jashtë vendit.
