Mjeku i njohur hematolog, Sotiraq Lako ka bërë disa statuse ku ka treguar se shqiptarët po gabojnë shumë duke i besuar Google me mjekime popullore që trajtojnë sëmundje të rënda sikurse është edhe kanceri.
Në një intervistë për ‘Euronews Albania’, mjeku theksoi se një person që vuan nga kanceri konsumon shumë lëndë ushqimore. Mjeku zbuloi disa simptoma duke deklaruar se i sëmuri me kancer ha shumë ushqim por humb peshë dhe djersit.
“Një person që vuan nga kanceri konsumon shumë lëndë ushqimore por humb peshë dhe djersit. Ushqehen dhe qelizat normale dhe qelizat tumorale. Pacienti duhet të ushqehet sa më mirë të jetë e mundur. Sigurisht që duhet të merren sa më shumë lëngje”-tha ai.
