SPAK-ut ditën e sotme i shtohen edhe dy prokurorë të tjerë.
Prokuroria e Posaçme kundër Korrupsionit dhe Krimit të Organizuar plotëson organikën me 20 prokurorë të cilët kanë marrë “OK” nga KLP duke kaluar skanerin e pastërtisë së figurës dhe pasurisë.
Në mbledhjen e të mërkurës në Këshillin e Lartë të Prokurorisë, me 8 vota pro, u emëruan në detyrë Anita Jalla që mbante deri tani postin e drejtueses së Prokurorisë së Durrësit dhe Bledar Maksuti, aktualisht prokuror në Tiranë.
