Kryeministri Edi Rama dhe kreu i Demokratëve Euroatlantikë Lulzim Basha janë përfshirë në replika mes njëri-tjetrit.
Gjithçka nisi me një deklaratë të Bashës, i cili iu përgjigj një ironie të mëparshme të Ramës: “O Ramë kishte pyetur ku është Luli. Ja ku e ke Lulin, me Orjola Pampurin, me demokratët euroatlantikë”.
Kreu i qeverise reagoi me ironi duke i kujtuar lajmin “fake” që qarkulloi në rrjet se Basha kishte ndërruar jetë si pasojë e një aksidenti, për të cilim Rama thotë se Luli është i pavdekshëm.
“Duke shkuar rrugës për Fier dhe më vjen një video nga Luli. Po m Lul si mos të pyes për ty, na thave sytë. Si thanë vdiq Luli, vetëm unë se besova se ti e di që je i pavdekshëm, stres zero, gjumi top, 7×7 bëjnë 42, se luan topi. Ku ka vdekje që të afrohet ty, vetëm kur dole e the jam gjallë, thash mos po rren tani. I ndeze motorët ë, i madh je. Shyqyr. Bravo, Oriolës dhe demokratëve euroatlantikë që s’të kanë lënë vetëm se misioni yt për të më larguar mua duhet të vazhdojë. Me ty fiton, edhe kur humb fiton, prandaj forca”, tha Rama.
