Kreu i Grupit Parlamentar të PS, Taulant Balla iu bëri thirrje deputetëve të opozitës që të miratojnë projektligjin për disa ndryshime në Kodin Rrugor.
Balla u shpreh se nëse ky projektligj do të ishte miratuar 3 javë më parë, aksidenti tragjik me tre viktima në Sauk, nuk do të kishte ndodhur pasi shoferëve të rinj nuk u lejohet të ecin me një shpejtësi mbi 80 km/h.
“Po ta kishim miratuar kodin rrugor para 3 javësh, nuk do të kishte ndodhur aksidenti me tre të rinjtë, se me kodin e ri rrugor nuk i lejohej ajo lloj makine, nuk i lejohej të ecte mbi 80 km/h. Çohet Vokshi dhe qan me lot krokodili për dicka që fajin e kemi të gjithë bashkë. Ne duhet ta miratojmë sot, të rinjtë mos të ecin mbi 80 km/h. Thirrja ime për këtë ligj, është shumë i mirë“, tha Balla.
