Bashkimi Europian dhe Shqipëria do të mbajnë sot Konferencën e 5-të Ndërqeveritare, ku do të hapet grupkapitulli i tretë i negociatave për anëtarësim.
Ky grupkapitull përfshin 8 fusha kyçe për zhvillimin ekonomik dhe social, si transformimi digjital dhe media, politika ekonomike dhe monetare, shkenca dhe kërkimi, arsimi dhe kultura.
Hapja e këtij kapitulli vlerësohet si një hap i rëndësishëm drejt përafrimit të Shqipërisë me standardet e BE-së.
Qeveria Rama synon të hapë të gjithë grupkapitujt brenda vitit 2025 dhe të përmbyllë negociatat deri në vitin 2027, me synimin që Shqipëria të bëhet anëtare me të drejta të plota e BE-së në vitin 2030.
