Ashtu siç ishte paralajmëruar deputetët e Berishës kanë shkaktuar kaos në Kuvend.
Edhe pse seanca pritej te niste ne 10:00, deputetët e Sali Berishes kanë hyrë në Kuvend një orë më parë, kanë përmbysur karriget dhe i kanë grumbulluar te foltorja për të bllokuar seancën.
Në një situatë të pazakontë, ku të gjitha karriget kanë grumbulluar, socialistët kanë ngelur në këmbë por kjo nuk e ka ndalur kryeparlamentaren, Lindita Nikollën që të bëjë propozimin e papritur.
“Nuk kemi karrige! Por ne do të qëndrojmë në këmbë në respekt të qytetarëve”, tha Nikolla, ndërsa deputetë e tjerë socialistët qëndrojnë në këmbë duke nisur seancën plenare në mënyrë të pazakontë.
